Stock market se Satyam tak

Satyam ke case mein do baatein mahatwapurn hain. Ek Ramlinga Raju company ke paise Metas Infra mein lagaana chaahte they. Doosri baat yeh ki unhone yeh bhi kaha ki aisa wo company ki bhalaai ke liye karna chaahte they. Iss baat ka aadhaar hai. Wo yeh ki infrastructure field mein paisa lagaana USA ki mandi ko dhyaan mein rakhte hue ek sahi kadam bhi hota jo nahi hua. IT/ Bpo sector outsourcing ki vajah se buri tarah USA pe dependent hai. Yeh ek alag sawaal hai ki wahaan se shuru hui mandi ka India par kitna asar ho sakta hai…asar dikh bhi raha hai. Yeh bhi ek alag sawaal hai ki kyon har jagah dikh raha hai. Khair iss par baad mein …Baat Raju ki… wo kya ,IT sector ke har jaankaar ko yeh maalum hai ki khaas taur par IT sector USA ki economy ki halchal se bach nahi sakta. Par sawaal yeh ki infrastructure project par hi nivesh ki unhone kyon sochi? Sirf isliye ki usse unke bete ka naam juda hai? …nahi…1930 ke dashak ke great depression se bhi ubarne ka upaay Europe aur America ne khaas taur par infrastructure par investment mein hi dekha tha.Tab sarkaaron ne khoob bridges banwaaye, rail patriyaan banwaayi…aur bazaar mein money flow ko badhaaya… India jaisi developing countries mein Infrastructure ka bhavishya kamse kam agle 50 saalon tak toh hai hi…bahut kaam padaa hai…Dar asal mandi ke samay service sectors ki saansein phoolne lagti hain…ise hum yun samjhein , log bachat par dhyaan dene lagte hain…agar aap office auto se jaate hain toh aap thodi door hone par paidal jaana shuru kar dete hain…kam phone karte hain…lekin infrastructure ki zaroorat lambe samay ko dhyaan mein rakhkar poori ki jaati hai…sadkein baneingi toh log chaleinge hi , samaan ki aawa-jaahi hogi hi …toll tax(chungi) milegi hi…aur iske liye export market par dependency bhi zaroori nahi…aisa nahi hoga ki aapke maal ka import USA nahi kar raha hai toh sab kuchh thapp par jaayega…desh ka bazaar hai , desh ka parivahan hai, desh ki zaroorat hai aur sabse badi baat infrastructure khade karna kisi desh ki ichchha nahi uski zaroorat hai, ise aap rok nahi sakte…isliye wo thoda paisa Metas Infra mein daalna chaah rahe they toh yeh kadam ek hisaab se Satyam ke liye bhi sahi hota…Infrastructre ke nivesh se mandi ke daur mein Satyam ke paas tatkaal doosri taraf dhyaan lagaane ka ek vikalp hota.
Ab baat doosre sectors ki …hamaara doosre sectors mein bhi mandi ka prabhaav kyon dikh raha hai? Mujhe yaad aa raha hai ki 1998 mein Pokhran visphot ke baad jab America ne Bharat par economic sanctions lagaaye they tab Bharat oose aasaani se jhel gaya tha. Uski vajah yeh thi ki hamaara agriculture sector hamein khaane- peene ki cheezon mein self dependent rakhe hue tha aur sau arab ki aabaadi ki vajah se gharelu bazaar mein hi itne demands they ki companies aasaani se survive kar rahi thi. Waise abhi bhi hum khaane ke maamle mein self dependent hain phir haalaat kyon badle nazar aa rahe hain…recession chaalu hai, growth rate 10-12% se gir kar 6-7% par kyon aa gaya hai…ek baat toh yeh waakai mein manna hoga ki Bharat ne pichhle kuchh saalon mein jo taraqqi ki usmein IT sector ka bahut badaa haath rahaa hai aur iss sector ki taraqqi mein America aur baaki Europeon countries ke demand ka bhi utna hi haath hai jo filhaal mandi ki vajah se kam ho gaya hai. Lekin ek aur baat hai , wo yeh ki pichhle kuchh saalon mein Bharat ka aam aadmi bhi stock market se buri tarah jud gaya hai…pehle aisa nahi tha. Pehle stock market se sirf professional investors hi jude hote they…Aam aadmi ke judne se yeh market society ke bade hisse ko cover karne laga hai…Issliye iss baar stock market ke girne ka asar jyaada dikhaai pad raha hai…America se shuru hui mandi ki vajah se bade paimaane par baahar ke investors ne joh stock market mein har tarah ki companies mein apna invest kiya hua paisa baahar nikaalna shuru kiya aur share ke bhaav tezi se girne shuru hue toh raaton-raat kitne chhote investors ka paisa bhi dhuaan ho gaye. Dar asal market chadhaaya hi baahar ke investaron ne tha actual growth itna hua hi nahi tha. Jisko dekho invest kar raha tha produce koi kar hi nahi raha tha…yaani gubbaara fut gaya. Companies par bhi paardarshita ke naam par balance shit vagairah quarterly ghosit karne jaise niyam ne paper works taiyaar karne ke dabaav mein jyaada la khada kiya…aur market mein shares ke bhaav na girein, saakh bani rahe , issliye jhoothe balancesheet banne lage…60-70 crore turn over waali companies bhi teen sau – chaar sau crore turn over dikhaane lagi…
Ab log ro rahe hain ki realty sectors mein bhi mandi hai..are guru , mandi nahi …baahar ka paisa jo ud gaya hai toh yeh rate correction ka time hai. Ab builders socheinge ki jo anaap-shanaap wo jhoothi tezi ke time mein kamaa gaye waisi hi kamaai abhi bhi bani rahe toh mushkil hai. Common sense ki baat yeh hai ki Mumbai mein achchhi jagah suburbs mein one bhk flat lene jao toh kam se kam tees lakh ka baithta hai…itne ka flat wahi le sakta hai jiski EMI kamsekam 25000/- per month bharne ki capacity hai ,yaani salary 50,000/- hai…aur jiski salary 50,0000/- hogi uske life style ko dhyaan mein rakha jaaye toh kya wo one bhk ke flat mein rehna pasand karega. Zaahir hai nahi , wo two bhk flat lena chahega. Phir wo one bhk flat mein tees lakh phenkne se achchha kiraaye mein two bhk mein hi rehna pasand karega na! …ab aise mein builders ro rahe hain ki mandi hai toh yeh unki na samjhi hai. Rate thoda gira hai, aur girao cement , lohe bhi saste ho gaye…yaani sahi rate correction karo phir dekho demand hota hai ya nahi.
Ab aam investers ko ek aam aadmi ki salaah…stock market ki uchhal kood professional logon ko karne do. Tumhaare liye ab bhi investment ke do hi sahi options hain, ek, realty sector doosra gold. Vajah? …phir common sense ki baat…Bharat ki ek arab aabaadi ke liye zameen hamesha kam padne waali hai yaani zameen ka demand rehne hi waala hai doosra, gold isliye ki Bharat ki sanskriti aur parampara ko dekhte hue yahaan shaadiyaan bina gold ke ho nahi sakti , jabki Bharat mein gold jyada milta nahi …isliye demand hamesha uncha rehne waala hai. Aur ab Bharat ke banks ko ek aam aadmi ki salaah – America ke bankon ki haalat se ghabraa kar yahaan home loan dene mein hichkichahat mat dikhao . America mein unke home loans bad loans mein isliye badal gaye kyonki banko ne wahaan logon ko jo karj diya tha wo property ke actual rate par diya tha wahaan ke builders black ke paise nahi lete. Isliye jab mandi aayi aur rates gir gaye toh logon ko EMI jyaada lagne lagi aur ve log khushi – khushi apne makaan bank ko saunp kar chale diye…yahaan ka kharidaar bechaara pehle aadhi rakam toh builders ko black mein de deta hai jiska koi hisaab nahi aur aadhi rakam jo builders paper mein show karte hain usspar bechara kharidaar loan leta hai…aise mein wo apni gaadhi kamaai se li gayi property par liye loan ki emi aakhiri dam tak chukaayga….waise bhi Bhartiya parampara ke anusaar wo isse emotionali juda hoga, so, kahin nahi jaayega.

Aur ho gaya apna channel launch !

Aur ho gaya apna channel launch!

…na shor sharaaba , na dhoom- dhadaaka…bilkul chup-chaap vinamra vishwaas ke saath. Yeh shuruaat maamuli nahi , ismein bahut kuchh khaas hai. Sabse important toh yeh ki junior se lekar most senior level tak jo log hain apni-apni jagah par seekh rahe hain…trainee hain…learner hain…fresh hain. Koi print se hai toh koi electronic media se aaya hai bhi toh yahaan nayi zimmedaari sambhaal raha hai. Yeh hamaari kamzori nahi , mazbooti hai…hamaari shaan hai, pehchaan hai! Ismein chhatpataahat hai sannaate aur sansani ke jaddojahad se baahar nikalne ki ! …toh dost, lagbhag saare fresh chehron par daanv khel kar yeh anootha khwaab dekhne ka guts rakhne waali jo shakshiyat hai, unhe pyaar se hum CM kehte hain…lo iss naam ko mai poora kiye deta hoon- Chief Motivator!
Waise inke maata-pita ne bhi kaafi soch- samajh kar aur shauk se inka naam rakha hai- Chandra Mohan. Chaand toh gora hai, apne CM toh saawle, phir naam ki saarthakta kya?...hai na!...Bharat mein zyaadatar moh lene waale log saawle hue hain, Krishna ko hi lo…kehte hain wo 16 kalaaon mein maahir they…chandra bhi 15 kalaaon mein khud ko sawaarta hai. Theek aise hi CM bhi hain.
Channel ke on air hone se pehle jab mai news mein tha aur mera night shift hua karta tha toh mai sham ko hi isliye office aa jaaya karta tha ki sun sakoon ki bulletien ke baad CM sir apni kya tippani ya tips dete hain…sochta tha kya pakad hai inki news par…phir sochta tha, news mein hi rahe hain itne saal toh honi hi chaahiye. Ab mai programming mein hoon toh yahaan inki pakad dekh kar hairat mein pad jaata hoon…kabhi graphic designers se baat karte hue unko sunta hoon, ya phir IT dept ke logon se baat karte dekhta hoon toh sochta hoon ,Kamaal aadmi hain yaar…kis- kis ki khabar nahi hai, kis- kis par pakad nahi hai. Jab netritva itna kaabil ho toh baaki logon ko maahir hone se koi kab tak rok sakta hai…
…Breaking News…TV9 ka cake cut raha hai…aao sunte hain aise historic moment mein CM sir kya byte dete hain!...phir aake baaki baatein poori karta hoon…
…CM sir ne bahut kam kaha,’ Apna channel hamesha on air rahe, yahi apeksha hai’…iss insaan ko sachmuch baatein banana nahi aata…kam boleinge par sahi boleinge. Aisa kuchh nahi kahaa ki hum toh ji, safalta ke jhande gaad denge…vagairah-vagairah. Jab mai promo likh raha tha tab bhi ye mujhe baar- baar samjhaate the ki jyaada tall claim nahi karna hai apne ko. Khair karmath log bolte nahi, karte hain. Aur apne pyaare Ganesh sir…unhone bhi dheeme swar mein kuchh achchha kaha par sunaai nahi diya kyonki wo itne lokpriya hain ki sab khushi mein chilla rahe they…Ashutosh sir ne kaha , ‘ har breaking news apni ho’ …thoda jyaada ho gaya …par josh mein aisi baatein utsaah ko duguna kar deti hain aur prerna bhi deti hain is liye unki byte mahatvapurn thi…
are yeh toh mai analysis karne baith gaya …chalo niche dekh kar aate hain ki apne channel mein kaun- kaun se promos dikh rahe hain…aaj toh ek jagah baithne ka mann hi nahi kar raha…waise jaate- jaate doston ek baat-… aaj se kuchh saalon baad aap news ki duniya mein bahut aage nikal jaayeinge …aur tab jab koi aapse poochhega ki aap news ke kis school of thought se hain ?...toh aap kaheinge …’TV9 school of thought…CM school of thought’…hai na!

John Swinton, the former Chief of Staff at the NEW YORK TIMES speech 1953

Asked to give a toast before the prestigious New York Press Club in 1953,John Swinton, the former Chief of Staff at the NEW YORK TIMES, made thiscandid confession [it's worth noting that Swinton was called "The Dean ofHis Profession" by other newsmen, who admired him greatly]:"There is no such thing, at this date of the world's history, as anindependent press. You know it and I know it. There is not one of you whodares to write your honest opinions, and if you did, you know beforehandthat it would never appear in print. I am paid weekly for keeping my honestopinions out of the paper I am connected with. Others of you are paidsimilar salaries for similar things, and any of you who would be so foolishas to write honest opinions would be out on the streets looking for anotherjob."If I allowed my honest opinions to appear in one issue of my paper, beforetwenty-four hours my occupation would be gone. The business of thejournalist is to destroy the truth; to lie outright; to pervert; to vilify;to fawn at the feet of mammon, and to sell the country for his daily bread.You know it and I know it and what folly is this toasting an independentpress. We are the tools and vassals of the rich men behind the scenes. Weare the jumping jacks, they pull the strings and we dance. Our talents, ourpossibilities and our lives are all the property of other men. We areintellectual prostitutes."

(Text PAMHO:16732315) ------------ --------- --------- --------

Nahi Manaunga Christmas

Nahi manaaunga Christmas
bahut hua ab bas!
apne andar gusse ki aanch ko pakne doonga,
paani nahi daaloonga, sulagne doonga
iss baar kisi ko kehne ka mauka nahi doonga ki,
'Indian hain...yaaddaasht kamzor hai...bahal jaayeinge-
antarrashtriya cricket se, Yashraj films ki ticket se
ya phir Eid se, Christmas se'...hamaare jhelne ki khatm ho chuki had
bahut hua, ab bas!

nahi manaaunga Christmas
kaan khol ke sun le Jesus.
chilla ke is liye keh raha hoon
ki lagta hai tu behra ho gaya hai,
do hazaar saalon se bhi zyaada swarg mein rahkar
aaraampasand aur boodha ho gaya hai.
Tujhe dhamaakon ki awaaz ab sunaai hi nahi deti,
hamaare riste hue yeh ghaav...hamaari peeda...hamaari vedna
dikhaai hi nahi deti!
naseeb maan, heaven mein recession nahi hota,
nahi toh teri naukri toh gayi thi...
are kab taknaam ki khaayega, performance toh de,
tere bas mein nahi ab kuchh toh chhod gaddi,
doosre ko mauka toh de...

ab nahi aayega dharti pe toh kab aayega,
ab jab tak tu nahi aayega
nahi manaaunga Christmas,
bahut hua ab bas!

Taj - Tumhe Janmdin Mubarakho

होटल ताज, भारत का पहला 5 star होटल. किसी ज़माने में ये दुनिया के टॉप १० होटल्स में गिना जाता था. आज भले ताज टॉप १० में ना हो, लेकिन जब बात किसी होटल के शान की हो, तो ताज, आज भी दुनिया के बेहतरीन होटल्स में गिना जाता है. ताज को आज १०५ साल पुरे हो गए हैं. इन १०५ सालो में ताज ने महाराजाओ की शान से लेकर, आतंकियों के कहर तक, हर चीज़ देखि है. पर ताज आज भी खड़ा है, अटूट और निडर

समुद्र के रास्ते जब कोई मुंबई आता है, तो इस आलिशान इमारत की तारीफ़ किए बिना नही रह पाता है. तभी तो, इसे ताज कहते हैं. १९०३ में बना ताज, आज १०५ साल का हो गया है. हम बीसवी सदी से इक्कीसवी सदी में पहुच गए, भारत एक modern superpower के रूप में उभर रहा है. लेकिन बीसवी सदी के third world country माने जाने वाले भारत का होटल ताज, आज भी होटलों का सरताज है. समय के साथ साथ नए और आधुनिक होटल्स भी बने, जिनमे पश्चिमी देशो की तर्ज़ पर ऐश ओ - आराम की तमाम सुविधाएं भी दी गई, लेकिन ताज कभी अपनी संस्कृति को नही भुला. ताज हमेशा जाना जाता रहा अपने भारतीय संस्कृति से जुड़े छवि के लिए. ताज के इस प्रयास ने कही उसे दुनिया के बेहतरीन होटल्स की फेहरिस्त में पीछे छोड़ दिया, लेकिन ताज ने अपनी गरिमा बरकरार रखी. आख़िर, इसका निर्माण भी तो दुनिया के सामने भारत की गरिमा को प्रर्दशित करने के लिए ही किया गया था. ताज उस अंग्रेजो के ज़माने बना, जब होटल्स के बहार लिखा जाता था, Indians and Dogs are not allowed. तब J R D Tata, अपने और देश के आत्मसम्मान को बचाने के लिए आगे आए और आज से एक दशक पहले करीब ७५ करोड़ की लागत से इस आलिशान इमारत को बनवाया...और नाम दिया ताज

एक समय में महाराजाओ की शान तो आज CEO's और विदेशि पर्यटकों की ठाट बाट, ताज ने एक लंबा सफर तय किया है. इस होटल में लगे crystal belgium chandeliers और दीवारों की पेंटिंग्स ने इस होटल के इतिहास का हर एक लम्हा देखा है. वोह लम्हा भी जब प्रथम विश्व युद्ध के दौरान इस इमारत को एक हॉस्पिटल में तब्दील कर दिया गया, और वोह लम्हा भी जब चंद आतंकियों ने ताज के मेहमानों को ताज में ही बंधक बना दिया. ताज के पाक दीवारों को उसीके मेहमानों के लहू के छीटों से दागदार कर दिया.

ताज ने बहुत कुछ देखा है, बहुत कुछ सहा है. जिस ताज ने इस मुंबई शहर को इस देश के आर्थिक राजधानी के रूप में उबरते हुए देखा, उसी ताज के बर्बादी के मंज़र को सिर्फ़ इस शहर ही नही तो पूरी दुनिया ने निस्सहाय होकर देखा. मगर ताज चुप रहा. शायद येही उसकी ध्रिड़ता थी. और इसी ध्रिड़ता के सहारे ताज ने १०५ साल गुजार लिए. आज ताज का जन्मदिन है. लेकिन ये कहना ग़लत नही होगा, की १०५ साल पुराने, भारत की शान के इस प्रतिक का आज पुनर जन्म है

ताज...तुम मुंबई की शान हो, तुम्हारे इस पुनर्जन्म पर मुंबई वासियों की और से ढेरो शुभकामनाये.

Birthday cake se identity check

Ek magazine ke office mein sabko samaan nazariye se dekha jaata hai...jis tarah se ek circle mein chaaron taraf se centre point ki doori baraabar hoti hai vaise hi yahaan bhi sab baraabar hain...vaise kabhi-kabhi kisi occassion mein logon ko apni pehchaan bataani padti hai, designation sahit. Agar yahaan bhi dabi aawaaz mein bol kar chhipa gaye toh gale mein latka patta aukaat bataa dega. Ismein sab likha rehta hai ki aap wahaan kya karte hain...yeh aapka ID hai...heen granthi ke kaaran aap is patte ko jeb mein daal kar apni identity chhipa lein toh aapke birthday ke din aapki aukaat nahi chhup sakti. Agar aapke birthday ke cake ki packing mein Mongini jaise kisi brand ka naam nahi chhapa hai toh aap apni aukaat khud hi samajh sakte hain...aur agar koi brand hai toh samajhiye thik- thak aukaat hai aapki...aur agar aapke birthday mein cake ke saath samose bhi mangwaaye gaye hain toh aap company mein kaafi unchi haisiyat rakhte hain...waise anya awsaron mein sabko samaan nazaron se dekha jaata hai ...aisa lagta hai yeh cake se juda administration kaafi padhe-likhe, jaise MBA kiye hue log sambhaalte hain...MBA maane master in bakery administration...

Office ke reception ka interior laal ho!

Ek nayi magazine ke prakaashan ke shuru hone se pehle iss baat par charcha ho rahi hai ki office ke receptionroom ka interior kaisa hona chahiye. Meeting house of lords ki hai house of commons ki nahi. Isme unhein bulaya gaya hai jike paas bhaari- bharkam yogyata hai…jaise shahar ke sabse bade crime reporter ko…use crime ki achchhi samajh hai, isliye interior ki bhi hogi … Doosra political reporter hai…use politics aati hai …. isliye interior bhi aata hai…aisa maanne ka kaaran bhi hai…wo apne views se kisi ki bhi sarkaar banwa sakta hai…isliye nirmaan ke kaam mein uski poorani maahiri hai …/…crime reporter ne apna sujhaav diya , saara furniture laal rang ka hona chahiye…logon ne poochha kyon? …kyonki laal rang khoon ka rang hai …magazine mein crime ki khabar na ho toh magazine chal nahi sakti …aur crime mein hatya ki khabar na ho toh wo crime apne magazine mein chhapne ke standard ka nahi…chuki hamari magazine ka crime se aur crime ka khoon se gehra sambandh hai. isliye magazine ke interiors ka colour laal hi hona chahiye… Political reporter ne iska samarthan kiya yeh kah kar ki desh ki raajniti left chalaye ya right dono ke laal jahnde ke niche janta ki hi laal honi hai…isliye laal sabse yogya aur important colour hai …so, magazine ke office ka interior toh laal hi hona chahiye….is tarah se yah prastaav poorn bahumat se paas ho gaya…Pass ho jaane ke baad kisi ek ko dhyaan aaya, ‘are, hamare yahaan life style aur interiors aadi cover karne waala bhi toh ek reporter/ sub editor hai….busy time mein apna fengshui aur vaastu gyaan sabko jhaadte rehta hai ( busy time mein isliye kyonki jab wo ye gyaan jhaadta hai toh thoda busy ho jaata hai, vaise wo khaali hi rehta hai…uski na koi nishchit kursi hai na computer…jo kursi thodi der ke liye doosron ne khaali ki , utni der ke liye wo uski ho jaati hai)…so sabne decide kiya, chalo meeting ke baad uski bhi rai jaan lete hain, khush ho jaayega…